ពង្រឹងសមត្ថភាព
ប្រជាពលរដ្ឋ ដើម្បីទាមទារ
អភិបាលកិច្ចល្អ

គំរោង

គំរោងអភិបាលកិច្ចល្អមូលដ្ឋាន

សេចក្តីសងេ្ខបទូទៅ

គំរោងអភិបាលកិច្ចល្អមូលដ្ឋាន (DFGG) គឺជាគំរោងពិសេសមួយដែលបានទទួលការឧបត្ថម្ភថវិកាពីធនាគារពិភពលោក ដើម្បីធ្វើការលើផ្នែកអភិបាលកិច្ចល្អសំរាប់រយៈពេល ៤ ឆ្នាំ ដោយបានចាប់ផ្តើមនៅខែមិថុនា ឆ្នាំ ២០០៩។ គំរោងនេះមានបំណងជួយប្រជាពលរដ្ឋក្នុងការទាមទារអោយមានការអនុវត្តវិធីសាស្ត្រអភិបាលកិច្ចល្អ ដោយគាំទ្រ គណនេយ្យភាពសង្គម និងវិធីសាស្ត្រអភិបាលកិច្ចផ្សេងៗទៀតដែលមានលក្ខណៈច្នៃប្រឌិត ។ សមាសភាគស្ថាប័នមិនមែនរដ្ឋ (NSAC) ដែលជាផ្នែក ដ៏ចំបងមួយនៃគំរោងអភិបាលកិច្ចល្អមូលដ្ឋាន មានគោលបំណងពង្រីកវិសាលភាព និងសមត្ថភាពរបស់ប្រជាពលរដ្ឋ អង្គការសង្គមស៊ីវិល និងស្ថាប័នមិនមែនរដ្ឋដទៃទៀត ដើម្បីធ្វើអោយរដ្ឋមានការទទួលខុសត្រូវ និង ឆ្លើយតបទៅនឹងតំរូវការរបស់ពួកគេ។ ក្រៅពីនេះ DFGG មានគោលបំណងបង្កើនសមត្ថភាពរបស់រដ្ឋអោយកាន់តែមានតម្លាភាព គណនេយ្យភាព និងមានការចូលរួម ។ គំរោងនេះកើតចេញដោយផ្ទាល់ពីរបៀបវារៈនៃកំណែទំរង់របស់រាជរដ្ឋាភិបាលកម្ពុជា ដែលចាត់ទុកអភិបាលកិច្ចល្អជាស្នូលនៃយុទ្ធសាស្ត្រកំណែទំរង់របស់រដ្ឋាភិបាលកម្ពុជា (ដូចជា យុទ្ធសាស្ត្រចតុកោណ ឆ្នាំ ២០០៤-២០០៨ ផែនការសកម្មភាពអភិបាលកិច្ច និងគោល នយោបាយនានា ដែលគាំទ្ររដ្ឋបាលថ្នាក់ក្រោមជាតិ) ។

ដោយមានការសំរបសំរួលពីក្រសួងមហាផ្ទៃ គំរោង DFGG ត្រូវបានរៀបចំឱ្យគាំទ្រទាំងស្ថាប័នរដ្ឋ និងស្ថាប័នមិនមែនរដ្ឋ ដើម្បីគាំទ្រកំណែទំរង់ផ្នែកអភិបាលកិច្ច។ ក្រសួងមហាផ្ទៃ មានតួនាទីចំបងក្នុងការសំរបសំរួលការចែករំលែកព័ត៌មាន និងការលើកកំពស់ភាពជាដៃគូគ្រប់សមាសភាគទាំងអស់របស់គំរោងអភិបាលកិច្ចល្អមូលដ្ឋាន។

ផ្នែកទីមួយនៃគំរោងអភិបាលកិច្ចល្អមូលដ្ឋាន គឺគាំទ្រស្ថាប័នរដ្ឋដែលមានឈ្មោះដួចខាងក្រោម ៖

គំរោង DFGG ធ្វើការលើវិស័យកំណែទំរង់ដូចខាងក្រោម ៖

ធ្វើកែលម្អប្រសិទ្ធភាពនៃការផ្តល់សេវាសាធារណៈនៅថ្នាក់មូលដ្ឋាន
ពង្រឹងការគ្រប់គ្រងធនធានធម្មជាតិនៅប្រទេសកម្ពុជា
ពង្រឹងអភិបាលកិច្ចក្នុងវិស័យឯកជន
ធ្វើអោយប្រសើរឡើងនូវអភិបាលកិច្ចក្នុងផ្នែកហិរញ្ញវត្ថុសាធារណៈ និង
ពង្រឹងប្រព័ន្ធផ្សព្វផ្សាយដើម្បីគាំទ្រវិស័យអភិបាលកិច្ច

សមាសភាគស្ថាប័នមិនមែនរដ្ឋ (NSAC)

NSAC មានគោលបំណង ៖

ពង្រឹងសមត្ថភាពរបស់សង្គមស៊ីវិល និងស្ថាប័នមិនមែនរដ្ឋដទៃទៀត ក្នុងការជំរុញអោយរដ្ឋមានការទទួលខុសត្រូវ តាមរយៈការបង្កើតវិធីសាស្ត្រដែលអាចជួយបង្កើនសមត្ថភាពស្ថាប័នមិនមែនរដ្ឋ ដើម្បីលើកកំពស់លទ្ធភាពទទួលបានព័ត៌មាន ដើម្បីឆ្លើយតបទៅនឹង ឬត្រួតពិនិត្យសកម្មភាពរបស់រដ្ឋាភិបាល និងសំរបសំរួលឱ្យមានការធ្វើការរួមគ្នារវាងរដ្ឋ និងប្រជាជន ។
គាំទ្រភាពជាដៃគូរវាងរដ្ឋ និងស្ថាប័នមិនមែនរដ្ឋ នៅថ្នាក់ជាតិ ថ្នាក់ខេត្ត និងថ្នាក់មូលដ្ឋាន។
បង្កើតបណ្តាញផ្លូវការ និងបណ្តាញក្រៅផ្លូវការរវាងអង្គការថ្នាក់ជាតិ និងអង្គការថ្នាក់មូលដ្ឋាន ។
រួមចំណែកក្នុងការពង្រឹងសមត្ថភាពអង្គការដៃគូតាមរយៈសិក្ខាសាលា ការណែនាំដោយផ្ទាល់ និងតាមរយៈការបង្កើតធនធានសំភារៈដែលសមស្របទៅនឹងប្រទេសកម្ពុជា ។

ព័ត៌មានលំអិតពីគំរោង

ប្រភពមូលនិធិរបស់ (NSAC)

ជំនួយអភិវឌ្ឍន៍អន្តរជាតិ (ជំនួយលេខ H៤៤១KH)

មូលនិធិដែលផ្តល់ជូនសំរាប់ (NSAC)

៤.២៧៥.០០០ ដុល្លាអាមេរិក

កាលបរិច្ឆេទចាប់ផ្តើមគំរោង ៖

ថ្ងៃទី ២៤ ខែមិថុនា ឆ្នាំ ២០០៩

កាលបរិច្ឆេទបញ្ចប់គំរោង ៖

ថ្ងៃទី ៣១ ខែមិនា ឆ្នាំ ២០១៣

ភ្នាក់ងារអនុវត្តរបស់ (NSAC)

មូលនិធិអាស៊ី
P.O. Box 536 ភ្នំពេញ កម្ពុជា ។
ទូរស័ព្ទៈ ៨៥៥-(០)២៣ ២១០ ៤៣១
ទូរសារៈ ៨៥៥-(០)២៣ ២១៧ ៥៥៣
អ៊ីមែល: អាសយដ្ឋានអ៊ីមែលនេះត្រូវបានការពារពីសំបុត្រឥតប្រយោជន៍ផ្សេងៗ។ អ្នកត្រូវការអនុញ្ញាត JavaScript ដើម្បីមើលវា។
www.asiafoundation.org

ប្រធានគំរោង

លោក អនដ្រេអេស៍ ដុក
មូលនិធិអាស៊ី
P.O. Box 536 ភ្នំពេញ កម្ពុជា ។

ប្រធានគំរោងរបស់ធនាគារពិភពលោក

ចេណែល ភ្លីមម័រ
ធនាគារពិភពលោក
ផ្ទះលេខ ១១៣ មហាវិថីនរោត្តម ភ្នំពេញ កម្ពុជា ។

ទូរស័ព្ទៈ ៨៥៥-(០)២៣ ២១៧ ៣០៤
ទូរសារៈ ៨៥៥-(០)២៣ ២១០ ៥០៤